Holly, 37 - 24 июня 2010 14:58

[COLOR=grey][SIZE=+1]Кошка, якая гуляе сама па сабе

Мілых істотаў нямала блукае па сьвеце,
Многія носяць задзірыста зорку ў ілбе.
Толькі заўсёды яна на асобнай прыкмеце –
Кошка, якая гуляе сама па сабе.

Сьвецяцца вабнай іскрынкаю сьмелыя вочы,
Вось ужо кіпцік па нечым спакоі шкрабе...
Доля цяжкая ў таго, хто прылашчыць захоча
Кошку, якая гуляе сама па сабе.

Што будзе заўтра?
А гэта і ёй не вядома.
Не давяраецца воля пустой варажбе.
Ды безумоўна адно – не валодаць нікому
Кошкай, якая гуляе сама па сабе.

Зірк мімаходзь...
А жыцьцё падстаўляе падножку,
Каб упусьціў ты хатуль, што нясеш на гарбе...
Хто і загубіць цябе, дык адзіная кошка,
Кошка, якая гуляе сама па сабе.

Сяргей Законьнікаў[/SIZE][/COLOR]

• 
• 
•